សម្តេចមហាបវរធិបតី ហ៊ុន ម៉ាណែត អញ្ជើញដឹកនាំកិច្ចប្រជុំគណៈរដ្ឋមន្ត្រី

នៅព្រឹកថ្ងៃសុក្រ ទី២៣ ខែតុលា ឆ្នាំ២០២៦នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញដឹកនាំកិច្ចប្រជុំគណៈរដ្ឋមន្ត្រី។

កិច្ចប្រជុំនាព្រឹកថ្ងៃនេះ ពិនិត្យ និងពិភាក្សាលើរបៀបវារៈចំនួន៤៖

១៖ របាយការណ៍ស្តីពីការវាយតម្លៃស្ថានភាពម៉ាក្រូសេដ្ឋកិច្ច ៩ខែ ឆ្នាំ២០២៦ និងការកែសម្រួលក្របខ័ណ្ឌហិរញ្ញវត្ថុរយៈពេលមធ្យម (MTFF)។

២៖ សេចក្តីព្រាងច្បាប់ស្តីពីហិរញ្ញវត្ថុសម្រាប់គ្រប់គ្រងឆ្នាំ២០២៧។

៣៖ សេចក្តីព្រាងច្បាប់ស្តីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២៥។

៤៖ សេចក្តីព្រាងច្បាប់ស្តីពីការអនុម័តយល់ព្រមលើពិធីសារទី២ ធ្វើវិសោធនកម្មកិច្ច​ព្រម​ព្រៀង​ពាណិជ្ជកម្មទំនិញអាស៊ាន។

ក្រៅពីរបៀបវារៈខាងលើ សម្តេចមហាបវរធិបតី ក៏ពិភាក្សាលើការងារផ្សេងៗពាក់ព័ន្ធការដឹកនាំរដ្ឋ៕អត្ថបទដោយ Srey Moch

📌 ប្រភពដើម: https://all-news-friends.blogspot.com/2026/10/blog-post_24.html