លោក Trump ពិចារណាបញ្ចប់ទំនាក់ទំនងពាណិជ្ជកម្មមួយចំនួនជាមួយចិន រួមទាំងទាក់ទងនឹងប្រេងឆាផងដែរ

ប្រធានាធិបតីអាមេរិក លោក Donald Trump បាននិយាយកាលពីថ្ងៃអង្គារសប្ដាហ៍នេះថា ទីក្រុងវ៉ាស៊ីនតោនកំពុងពិចារណាបញ្ចប់ទំនាក់ទំនងពាណិជ្ជកម្មមួយចំនួនជាមួយប្រទេសចិន រួមទាំងទាក់ទងនឹងប្រេងឆាផងដែរ។ 

លោក Trump បានសរសេរនៅលើប្រព័ន្ធផ្សព្វផ្សាយសង្គមថា លោកជឿថាប្រទេសចិនមានចេតនាមិនទិញសណ្តែកសៀងរបស់អាមេរិក និងបង្កការលំបាកដល់កសិករសណ្តែកសៀងរបស់លោក គឺជាច្បាប់អរិភាពសេដ្ឋកិច្ច។ ពួកលោកកំពុងពិចារណាបញ្ចប់អាជីវកម្មជាមួយប្រទេសចិន ដែលទាក់ទងនឹងប្រេងឆា និងធាតុផ្សេងទៀតនៃពាណិជ្ជកម្ម ជាការសងសឹក ។

ជាឧទាហរណ៍ ពួកលោកអាចផលិត ប្រេងឆាដោយខ្លួនឯងបានយ៉ាងងាយ ពួកលោកមិនចាំបាច់ទិញពីប្រទេសចិនទេ។   ប្រទេសចិនបានកាត់បន្ថយការទិញសណ្តែកសៀងរបស់សហរដ្ឋអាមេរិកយ៉ាងខ្លាំង ដែលលោក Trump បានហៅថាជាតាកទិកការចរចា។ លោក Trump បាននិយាយនៅខែនេះថាលោកសង្ឃឹមថានឹងពិភាក្សាអំពីសណ្តែកសៀងជាមួយសមភាគីចិនរបស់លោក គឺលោក Xi Jinping ទន្ទឹមនឹងលោកក៏បានព្រមានផងដែរ ថាសហរដ្ឋអាមេរិកអាចនឹងបញ្ឈប់ការនាំចូលមួយចំនួនធំពីប្រទេសចិន។

ប្រទេសចិនគឺជាអ្នកទិញសណ្តែកសៀងធំជាងគេបំផុតរបស់ពិភពលោក ហើយក្នុងរយៈពេលប៉ុន្មានខែថ្មីៗនេះបានកាត់បន្ថយការទិញសណ្តែកសៀងរបស់សហរដ្ឋអាមេរិកយ៉ាងខ្លាំងដោយងាកទៅរកប្រភពពីប្រទេសប្រេស៊ីល និងអាហ្សង់ទីន ស្របពេលមានជម្លោះការដំឡើងពន្ធ និងពាណិជ្ជកម្ម៕